جـديد كتـاباتي,, حبيبي ماأقول الا .. حرام انك عرفـتـينـــــي

انا ماكنت ابي عطرك .... ولاني للخطا عشــقان
انا ماكنت ابي الا احس انك تحبـــيـــــــنـــــي

وهبتك اجمل احساسي وجيت من الوله عطشان
لقيتك يابعد عمري حسافه ماتحســـــــــيــنـي

كتبتك اعذب حروفي .. ( قصيده) وزنها ديــــوان
قريتيها رميتيها.. ابد ماكنها سنيـــــــــــنـي

تجين من الفجر كذبه وعيـنـك تخـــفي العـنوان
واشوفك في سواد الليل على الكذبه تمسيني

انا جابتني الصدفه وهذي منة الرحــمـــــــــــن
اشوفـك تاصفي لغيري صفات الي وصفـتـيني

حبيبي يكفي اسلوبك انا يكفيني البرهــــــــــان
انا مااصدق ليـش ولكن شافـتك عـــــيـني

سكت وداخلي صرخه تردد صمتها الجــدران
حسافه طاوعك قلبك بلا ذنبٍ تـبـيعـيــــــــــني

الومك .. مــاالومك .. لاالومه وقتي الخوان
عطيــــتك الف معنى حــب وهذا الي تجازيني

انا ماأملك الا قـلب .. لكن للاسف تعــبــــان
كفاني منبع الاحزان تفجر به شرايـيــــــــنـي

احبك؟.. ليه احبك ليه واتوه بعالمي حيران
واشوف الناس من حولك تشوفيهم وتنسيني

احاول اكرهك لكن فؤادي ماكـــره انســان
غريبه كيف هذا القلب يحب الي جرح فــيني

حبيبي داخلي كلمه عساها تشفي الوجدان
حبيبي ماأقول الا .. حرام انك عرفـتـينـــــي

:: نــور الدنيــا ::

ابدعتــي فـي قصأأيدتــج

يعطيــج العافيــه وماقصــرتي

كلامــات رائعه نابعــه من قلــب حســاس

تحياتي

:: جــروح ::

الله يعافيج

مشكوووره على ردودج

هالله هالله ,, والله ابداع حبيــبتي وصلـيــ ابداعج ,,
وكل بيت احلى من الثانيــ قلت لج قبل هالمرهــ لج مستقبل بااااهر بإذن ربيــ ,,,,

تقبليــ مروريـ ,,
اختج فديت قلبي